Проект - со континуирано учење заедно со превозните трговски друштва одиме напред

Почитувани членки,

Денес 23.12.2024 година, се одржа завршен состанок со претставници на Консалтинг за стратешки развој, кој ни помагнаа и заедно со нас го спроведуваа проектот ,,Активност за јакнење на деловниот екосистем”, финансиран од УСАИД.

Со овој проект, како асоцијација, а во интерес на сите превозници се обезбеди нова и модерна ВЕБ страна со содржини кои се во Ваш интерес од аспект да имате поголем број на алатки со кои брзо и ефикасно ќе стасате до нови и битни информации за вршење на дејноста:

-Судска пракса (дадени се позитивни пресуди во Р.Македонија и позитивни решени случаи за изречени казни за сторени прекршоци во други држави);

-Мапа за горива и враќање на ДДВ по држави (можност да се пресметува цена на превоз со актуелни цени за гориво и стапки на ДДВ, теоретско објаснување на важноста на пресметката на потрошувачка на гориво, со осврт на сите трошоци кои се дел од калкулациите за успешна работа на превозниците);  

-Пријави мито и корупција (преведена на четири јазици);

-Пријави мигранти (преведена на четири јазици);

-Најчесто поставувани прашања;

-Упатства и информации;

-Листа на фирми кои имаат лиценца за организација на превоз на стока и

-Национални и меѓународни законски прописи, информации за билатерални спогодби од областа на превоз во патниот сообраќај по држави.

Огромна благодарност за можноста која ни беше дадена, со проектот во прва и втора фаза да постигнеме континуитет во работата на асоцијацијата, а со тоа да овозможиме можност за одржлив раст и развој на превозните трговски друштва и нивните вработени.

Ваш Макам-транс